ކައުންސިލްގެ ތަފާސްހިސާބުތަކުން އެގޭގޮތުގައި، މާވަށު ސުކޫލުގެ ފުރަތަމަ ޢިމާރާތުގެ ބިންގާ އެޅީ 11 ނޮވެންބަރ 1986މ. ގައި ލ.އަތޮޅު އަތޮޅުވެރިޔާ އަލްފާޟިލް އިސްމާޢީލް ރަޝީދެވެ. ބިންގާ އެޅުއްވި ޢިމާރާތުގެ ބޮޑުމިނަކީ 37 ފޫޓް ، 28 ފޫޓް އެވެ. ޢިމާރާތުގެ މަސައްކަތް، 30 ޖެނުއަރީ 1988މ. ގައި ނިމި ޢިމާރާތް ހުޅުއްވާދެއްވީ މިނިސްޓަރ އޮފް އެޓޯލްސް އެޑްމިނިސްޓްރޭޝަން އޮނަރަބަލް އަލްއުސްތާޛު ޢަބްދުﷲ ހަމީދެވެ. މަދަރުސާ ހުޅުއްވާދެއްވީ 7 ފެބްރުއަރީ 1988މ. ދުވަހުގެރޭ 9:00 ގައެވެ. މަދަރުސާގެ މަސައްކަތް ކޮށްފައިވަނީ ހިލޭސާބަހަށް މާވަށުގެ ރައްޔިތުން ނެވެ.